Tuz , më  04 mars  2011
K u m t e s ë
Ngjarja e rëndë, tragjike dhe e shëmtuar, që ndodhi  në aeroportin e Frankfurtit, kur një i ri me prejardhje nga Kosova, Arid Uka, vrau dy ushtarë amerikanë dhe plagosi dy të tjerë, të gjithë shqiptarët kudo që janë, pra edhe shqiptarët në Malin e Zi, i tronditi thellë. Lidhja Demokratike në Mal të Zi, anëtarët dhe përkrahësit e saj, shqiptarët  në Malin e Zi e dënojnë këtë akt të dhunës, akt kriminal e të papresedan në hapësirat tona. Shprehim indinjatë të thellë për këtë akt të shëmtuar që është akt antikombëtar e antishqiptar. Jemi të sigurt se kjo ngjarje  e rëndë përbën një akt individual e të papërgjegjshëm të një individi pa kontroll e pa përgjegjësi. Një gjë të tillë nuk mund ta prisnim asnjëherë, as që mund ta paramendonin, që një shqiptar të çojë dorë ndaj ushtarit amerikan, ndaj popullit amerikan, kur me dekada janë të njohura lidhjet miqësore e jetësore shqiptaro-amerikane, e sidomos ndihmën e përkrahjen vendimtare të SHBA-ve në momentet më kritike për shqiptarët, Shqipërinë e Kosovën.
Me këtë rast shprehim ngushëllimet tona të sinqerta ndaj familjarëve të ushtarëve të  vrarë e popullit dhe udhëheqjes më të lartë të SHBA-ve. Ndërsa dy të plagosurve u urojmë shërim të shpejtë.
PËR LIDHJEN DEMOKRATIKE NË MAL TË ZI
KRYETARI, Mehmet BARDHI

Të nderuar miq të sportit!
Ju ftojmë që të merrni pjesë në Turneun e XI ndërkombëtar të karatesë ULQINI OPEN 2011”,i cili tashmë është bërë turne tradicional me pjesëmarrje masovike.
Në Turneun e X morën pjesë 35 klube me 760 garues nga Mali i Zi, Shqipëria, Kosova,Kroacia, Bosna, Serbia, Maqedonia dhe Gjermania.
Qyteti ynë i bukur është i njohur jo vetëm si destinacion i preferuar turistik, por edhe si qytet me një traditë të gjatë sportive. Siç njihet për detin, diellin, ullinjtë dhe plazhet e mrekullueshme zallore, Ulqini njihet edhe në sportin e karatesë falë sukseseve të mëdha të arritura në arenat vendore, kombëtare dhe ndërkombëtare. Që të njiheni me bukuritë dhe historinë e qytetit tonë vizitoni faqet e internetit www.ulqini.de dhe www.visit-ulcinj.com.
Këtë vit me Turneun ”Ulqini Open 2011” Klubi ynë përkujton trajnerin të ndjerin Domeniko Beli Elezoviq, i cili ka qenë një ndër themeluesit e klubit të parë të karatesë në Ulqin. Klubit të karatesë ”Ulqini” dhe të cilit i takojnë merita të mëdha për zhvillimin e sportit të karatesë.
Prania Juaj do të na nderojë!
Ju urojmë qëndrim të këndshëm në qytetin tonë dhe shumë medalje!
Përshëndetje sportive!
Organizator i turneut
“Klubi i Karatesë Ulqini”   Download thirjen